នៅវេលាម៉ោង 12 យប់ថ្ងៃអង្គារ៍ ឆ្លងចូលថ្ងៃពុធនេះ ព្រឹត្តិការណ៍ដ៏ពិសេសបំផុតប្រចាំឆ្នាំ ហើយនរណាៗក៏បានទន្ទឹងរង់ចាំនោះនឹងប្រព្រឹត្តិទៅជាផ្លូវការហើយ។ Apple នឹងធ្វើការដាក់បង្ហាញរូបរាងទូរស័ព្ទជំនាន់ទី 8 របស់ខ្លួនហើយ ទន្ទឹមនឹងនេះដែរនោះ iPhone អាចនឹងមាន iPhone មួយម៉ូឌែលទៀតដែលមានអេក្រង់ធំ ហើយក៏អាចមានឧបករណ៍នាឡិកាឆ្លាតផងដែរ។ តើអ្នកទាំងអស់គ្នានឹងនៅរង់ចាំទស្សនាការផ្សាយបន្តផ្ទាល់នូវព្រឹត្តិការណ៍នេះ និងមិនចង់អោយខកខានមែនទេ? អ្នកទាំងអស់គ្នាអាចរង់ចាំរាប់ថយក្រោយបាន ដោយផ្ទាល់លើផ្ទៃអេក្រង់ iPhone, iPod Touch របស់អ្នកជាមួយ Tweak នេះ។
ខ្ញុំជឿថា ប្រិយមិត្តមួយចំនួនប្រាកដជាស្គាល់រួចមកហើយ នូវ Tweak ឈ្មោះថា Cydget ដែលវាអនុញ្ញាត្តិអោយយើងធ្វើការកែសម្រួល និងរចនាផ្ទៃអេក្រង់ Lockscreen យើងជាមួយស្តាយប្លែកៗ។ នៅពេលនេះ យើងនឹងប្រើប្រាស់វាដើម្បីជាកន្លែងរាប់ចុះក្រោមនៃការដាក់បង្ហាញ iPhone 6 ម្តង ដូច្នេះបើអ្នកទាំងអស់គ្នាពិតជារង់ចាំ iPhone 6 ពិតប្រាកដមែននោះ សូមរាប់ថយក្រោយជាមួយ Tweak នេះទាំងអស់គ្នា។
តម្រូវការ
- iPhone និង iPod Touch 5th ដែលដំណើរការដោយ iOS 4 ឡើងទៅ (iPad ក៏ប្រើបានដែរ តែវានឹងបង្ហាញទំហំតូច)
- ឧបករណ៍របស់អ្នកបាន Jailbreak រួច (មានកម្មវិធី Cydia)
របៀបតម្លើង
- បើកកម្មវិធី Cydia > ស្វែងរកពាក្យ Cydget រួចតម្លើងវា
- ក្នុងកម្មវិធី Cydia ដដែល ស្វែងរកពាក្យ “ Apple Event Countdown – Lockscreen Widget រួចតម្លើងវា
- បើក Setting > Cydget > Lock Cydget Order > អ្នកនឹងឃើញមានបួនជម្រើស ទាក់ទងនឹង Apple Countdown។ ជ្រើសរើសរើសយកមួយណាដែលអ្នកពេញចិត្ត ដោយវាមានស្តាយប្លែកៗគ្នា។
- បន្ទាប់ពីជ្រើសរើសហើយ ថយក្រោយ និងចុចពាក្យ Respring ដែលស្ថិតនៅខាងឆ្វេង និងខាងលើ។
អ្នកទាំងអស់គ្នាអាចទស្សនាផ្សាយបន្តផ្ទាល់តែម្តងតាមរយៈអ៊ីនធឺណែត ជាមួយខេមបូរីផតតែម្តង ដែលយើងនឹងបន្តការផ្សាយផ្ទាល់ចេញពីព្រឹត្តិការណ៍នៃការដាក់បង្ហាញដ៏ធំនេះ។ តើអ្នកទាំងអស់គ្នាមានចំណាប់អារម្មណ៍យ៉ាងណាដែរចំពោះ ទូរស័ព្ទ iPhone ជំនាន់ថ្មីនេះ? តើវានឹងមានលក្ខណៈពិសេសអ្វីខ្លះទៅក្រៅពីមានអេក្រង់ធំ?
0 comments:
Post a Comment